Nagmalinawon ang gipahigayong Traslasyon sa Itom nga Nazareno kaganinang buntag ning syudad sa Cagayan de Oro.
Matud ni COCPO Spokesperson Police Supt. Mardy Hortillosa nga aduna lamang natala nga usa ka babae nga nakuyapan apan dali kining na respondehan sa medical team.
Dugang pa nga nagsugod ang deployment sa kapulisan kaganinang alas tres sa kadlawon.
Nasayran nga alas kwatro kaganinang kadlawon dihang gipahigayon ang usa ka Santos nga misa sa San Agustin Cathedral sa pagpanguna ni Cagayan de Oro Archbishop Antonio Ledesma nga gisundan sa prusisyon padulong sa Nazareno Parish.
Gikan sa San Agustin Cathedral gisakay ang replica sa Itom nga Nazareno sa karo nga mao ang na-andan sa mga milabay nga katuigan apan pag abot sa dalang Velez, gi-arsa kini sa mga ihos padulong sa simbahan sa Nazareno.
