Managlahi ang bana-bana sa kapolisan sa katawhan atol sa Traslacion sa Black Nazarene.
Matud ni Supt. Robert Delos Reyes, Hepe sa Operations and Plans Branch sa Cagayan de Oro City Police Office kon COCPO nga mikabat lamang sa estimate nga 50-mil ka mga tawo ang mi-apil ug mikuyog sa Traslacion sa Black Nazarene nga gikan sa San Agustin Cathedral agi sa Fernandez Street, Apolinar Velez Street, Recto Avenue ug natapos sa Nazareno Parish Church sa Barangay 26.
Ang maong traslacion, nagsugod mga alas 5 sa buntag ug natapos mga alas 7 kaganinang buntag.
Kini nga ihap, mas layo sa estimate sa kapolisan sa traslacion sa milabayng tuig 2018 nga matud pa nila, kapin kon kulang 200-mil.
Apan matud ni Supt. Mardy Hortillosa, Spokesman sa COCPO nga gibana-banang mikabat sa 250-mil ang mga tawo nga midagsa sa Black Nazarene.
Matud ni Hortillosa nga ang iyang estimate, lakip na niini ang mga tawo nga misimba sa San Agustin Cathedral kaganinang alas 4 sa kadlawon ug kadtong mga tawo nga naghulat daplin sa dalan apan wala na mokuyog sa prusisyon sa itom nga Nazareno.
Hinoon matud ni Hortillosa nga hingpit nga malinawon ang Traslacion sa Black Nazarene.
“Walay na-report nga untoward incident during sa traslacion sa Black Nazarene” matud ni Hortillosa.
