Gipahayag ni Councilor Romeo Calizo, Chairman sa Committee on Police, Fire and Public Safety sa city council nga daghan ang posibling hinungdan ngano nga mikanaog ang ihap sa misalmot sa Traslacion sa Black Nazarene.
Matud ni Calizo nga sa iyang obserbasyon nga daghan sa mga deboto nga human misimba wala na mo-uban sa traslacion gikan sa Cathedral ngadto sa Nazareno Church.
Gidugang ni Calizo nga tungod kay ang ubang syudad sa Mindanao naghimo usab sa traslaction sa Nazareno sama sa Tagum City sa Davao, posibling kini ang lakip sa rason nga ang ubang deboto wala na mo-anhi sa Cagayan de Oro.
Matud ni Calizo nga walay kalabutan ang alert level 3 sa kapolisan sa pag-minos sa ihap sa katawhan nga mikuyog sa Traslacion sa Black Nazarene.
“Ang uban, wala na sab mokuyog sa traslacion kay daghan man sab ang gidili sa kapolisan” matud ni Calizo.
Una pa niini, gidili sa kapolisan atol sa traslacion ang pagdalag back pack, pagsoot og kalo, Sun Glasses, Jacket ug uban pa.
Gidili usab sa PNP sa pag-uban ang mga bata, tigulang, persons with disability ug mga tawong dunay sakit atol sa traslacion sa Black Nazarene.
