Arestado ang isa ka tricylce driver sa ginpatigayon nga drug-buy-bust operation sang Koronadal City Police Drug Enforcement Unit (CPDEU) kag City Anti-Illegal Drug Abuse Council (CADAC) pasado alas 4:00 sang hapon sa Purok Kahirup, Barangay Sto.Nino, Koronadal City.
Ginkilala ang suspek kay Danny Barber Agudo, alias Cobra, 39-anyos kag residente sang Corner Zulueta , Abad Santos Streets, Barangay Zone-IV sang sini nga syudad.
Nakuha sa posisyon sang suspek ang isa ka medium (poseur item) ka isa ka medium heat sealed plastic transparent sachets sang ginapatihan shabu kag Php500 bilang marked money.
Samtang plano pa nga magpalagyo sang suspek sakay kuntani sa iya tricycle apang nakorner ini sang operatiba.
Depensa pa sang suspek nga ginpaboran lamang sini ang abyan nga may birthday amo nga napilitan siya nga magbaligya sang droga.
Kaso naman nga pagbayolar sa Section 5 kag 11, Article II sang Republic Act 9165 ukon Comprehensive Dangerous Drug Act of 2002 ang atubangon sang suspek.
