South Cotabato –wala makalingkawas sa baba sa kamatayon ang usa ka tricycle driver human kining gipusil sa wala pa mailhing suspetsado sa may Provincial Road, Barangay Polunuling, Tupi, South Cotabato.
Biktima giilang si Ting Diamalo, 48, tricycle driver ug residenti sa Purok 8, Barangay Polunuling, Tupi.
Basi sa imbistigasyon sa kapulisan nasuta nga igo lang nipahulay ang biktima daplin sa dalan dihang kalit lang kining gipusil sa wala mailhing suspek igo sa nagkandaiyang parti sa lawas nga hinungdan sa iyang kamatayon.
Wala na nadala pa sa ospital ang biktima human nga nakabsan gilayon kinig kinabuhi samtang ang suspek paspas nga misibat human sa pagpamusil.
Ang kapulisan naghimo nag makuting imbistigasyon kalabutan sa maong insidenti samtang usa sa anggulong ginatan-aw karon sa kapulisan ang kalabutan sa personal nga bangi.
