General Santos City–Patay sa gipahigayong buy-bust operation sa mga personahe sa Polomolok Municipal Police Station ug South Cotabato Police Drug Enforcement Unit ang usa ka traysikel drayber nga nailang si Felimar Palas, 40 anyos, residente sa Purok Matin-ao, Barangay Silway 8, Polomolok, South Cotabato, human kini misukol sa kapolisan.
Matud ni Police Captain Rommel Hitalia ang Deputy Station Commander sa maong buhatan, samtang gihimo ang operasyon nakamatikod ang suspek nga mga police ang iyang nakatransaksyon mao nga nibunlot kini ug pusil dayon gipabuto ngadto sa kapulisan.
Midepensa usab ang kapulisan diin ilang napusilan ang suspek, gidala pa kini sa ospital apan gideklarang dead on arrival.
Narekober sa otoridad ang usa ka unit sa .38 revolver pipila ka mga buhing bala ug 3 ka sachet sa gituohang shabu sa posisyon sa suspek.
Dili usab kumbinsido ang pamilya sa pahayag sa kapulisan nga nisukol si Felimar. Sumala pa nga walay pusil ang nasampit mao nga walay rason nga kini musukol.
