Trigger warning: Suicide prevention gipakusgan sa PMHA Davao subay sa alarming cases

Davao City- Mas gipakusgan sa Philippine Mental Health Association (PMHA) ang kampanya sa mental health subay kini sa alarming nga pagsaka sa kaso sa ihap sa mga casualties sa suicide.

Sa interbyu sa RMN Davao kang Precious Manliguez sa PMHA Davao, pinaagi sa mga symposiums, seminars ug uban pang mga lakang nga gihimo sa PMHA, buot nilang palig-onon pa ang pag-raise og awareness nga anaa gyuy problema ang komunidad nga angay tagaan og intervention ilabina ang katong nakasinati’g mental disorders.

Sumala ni Manliguez, naalarma kini kay niadtong 2022 nakatala og 53 ka kaso sa suicide samtang 23 na ang namatay tungod sa suicide sukad niadtong Enero hangtod Mayo diin 80% sa maong ihap mga lalaki ang biktima.

Gipaabot niini sa katawhan nga abli ug libre ang psychosocial support nga gitanyag sa lokal nga gobyerno ug sa PMHA Davao nga Individual Counseling, Group Session ug Psychiatric Consulation.

Alang sa Libreng Psychological Counseling mamahimong mutawag sa (GLOBE) 09065867136, (SMART) 09463458549 ug (SMART) 09190711111.

RadyoMaN Aimee Guinita