Davao City – Mag-atubang og kasong kalapasan sa RA 9165 kon Comprehensive Dangerous Drugs Act of 2002 batok sa usa ka tricycle driver nailang Alfie Sabdane, 39 anyos, nagpuyo sa Purok 7, Boulevard, Brgy 23-C syudad sa Davao.
Kahinumduman nadakpan ang suspect sa kapolisan sa Sta Ana Pnp kauban ang mga personahe sa Philippines Drug Enforcement Agency kun PDEA11 human gikasa ang joint buy bust operation natigayon alas 4:20 sa hapon didto sa dalang Jacinto ning siyudad diin napalitan ang suspek og usa ka sachet nga shabu kambiyo ang 500.00 pesos nga buy bust money hinungdan sa pagka-aresto niini.
Narekober sa dinakpan ang tulo ka sachet nga shabu nga mukantidad sa 5,000.00 pesos, usa ka cellular phone lakip nakompiska ang buy bust money ug usa ka motorsiklo with side car nga maoy gigamit sa suspek sa iligal nga transaksiyon.
Balhug na sa prisohan sa Sta Ana PNP ang dinakpan nga si Sabdane ug gikonsidera sa kapolisan nga usa kini ka street level target.
RadyoMaN Don Pulayao
