DXDR 981 GIYA SA PAGPANGUMA – Kasagaran problema sa atoang mga kaigsuonang mag-uuma mao ang sagbot diin mao kini ang kakupetensya sa nitroheno ug bitamina hinungdan mousbos ang abot.
Sumala pa sa pagtuon ang tubig sa lubi nga sinagolan ug asin epketibo kining makapatay sa sagbot diha sa atong kaumahan.
Sa pagandam mao kini ang mga gikinahanglan:
* Tubig sa lubi
* Asin
* Plastic Container
Sa pagmugna mao usab kini ang pamaagi magtigom ug 20 litros nga tubig sa lubi, ilabi na sa panahon sa pagkopras.
Pagkahuman ibutang kini sa plastic container ug sagulan sa 3 ka kilong asin, isunod gilayon ang pagkutaw gamit ang stick ug pasagdaan sulod sa 21 ka adlaw.
Paglabay sa tagal puwede na kining kuhaon, salaon ug gamiton.
Sa paggamit mao usab kini ang pamaagi, magsagol sa 2 ka litro nga tubig sa lubi, matag 3 ka litrong tubig ug i-ispri kini direkta sa umahan.
Sa pagispri sigurohon nga dili moulan sulod sa tulo ka adlaw aron mas epektibo.
Maayong mag ispri panahon sa buntag apan segurohon nga wala nay yamog.
Kini nga pamaagi ang labing maayo, gamay ug minos pa ang gasto. (Kas: JC Casing)
