Nagalab-ot sa 26 ka mga private schools dire sa rehiyon dose ang nag-apply nga magapasaka sang tuition fee kag iban pa nga balayran sa ila nga kinder, elementary kag junior high school para subong nga school year 2018-2019 base sa datos sang Department of Education ukon Dep. Ed. Region 12.
Yara naman sa 4 tubtob 18 porsyento ang ginaproposed nga increase sang nasambit nga mga eskwelahan nga magakadto naman suno pa sa sweldo sang ila nga mga manunudlo, improvement sang pasilidad kag iban pa.
Apang sa bienti sais ka mga eskwelahan nga nag-apply sang tuition fee increase suno kay Maam Luz Lalli Ferrer, Chief Quality Assurance Division sang Dep. Ed. 12 yara pa lang sa pito ang ila nga naaprobahan sa mga nag-apply kag ang iban ang under review pa tungod isa sa ila ginalantaw kon bala nakapatigayon sang konsultasyon sa mga ginikanan ang pamunuan sang eskwelahan.
Ang mga eskwelahan nga naaprobahan na ang aplikasyon sang Dep. Ed. 12 amo ang St. Marys Academy of Kidapawan nga may 15% nga tuition fee increase kag 15% man sa iban nga balayran, Central Mindanao Colleges sa Kidapawan, 10%, Jireh Alliance School of Kidapawan City 5.6% sa Kinder kag 9% sa elementary, Notre Dame of Kidapawan College 5.6% sa kinder, elementary kag 7 % sa JHS , Notre Dame of Makilala sa Cotabato Province 15% sa tuition fee, miscellaneous kag iban pa sini nga balayran, NDMU- IBED 5% sa tuition fee increase kag 8-10% sa other Fees , Philippine Colleges of the South dire sa syudad sang Koronadal 10%.
Apang nadis-approved naman ang aplikasyon sang Allah Valley Academy dire sa South Cotabato tungod nagalab-ot sa 8.26% tuition, 62.37% other fees sa elementary kag 37% tuition kag 29% sa other fees sa ila nga JHS.
Paklaro naman ni Maam Ferrer sa subong indi pa nila maaksyunan ang aplikasyon sa tuition fee increase sang mga eskwelahan para sa ila nga senior high school tungod klaruhon pa nila kon bala nalift na ang moratorium dire.
