Mahayag, Zamboanga del Sur——Dakong epikto ngadto sa katawhan sa Lungsod sa Mahayag ug Lungsod sa Dumingag ang pagkahagba sa tulay nga maoy nagsumpay sa duha ka mga Lungsod sa lalawigan sa zamboanga del sur alang sa adlaw-adlaw nga panginabuhian.
Kini ang nahimong singgit sa katawhan human nahagba ang tulay sa dihang gibundakan og makusog nga ulan hinungdan sa pagbaha tungod sa bagyong Vinta nga maoy nagdala sa dakong epikto sa katawhan sa maong mga Lungsod.
Tungod sa maong panghitabo bisan ang pletihan sa katawhan ang misaka tungod gikinahanglan ng molibot sa laing rota ang mga sakyanan sa duha ka mga Lungsod hinungdan usab sa pagkadelatar sa ilang mga baligya ilabi na ang mga abot gikan sa uma.
Kung kaniadto diretso lang ang biyahe sa mga mag-uuma nga maoy nagpas-an sa ilang mga baligya karon gikinahanglan na kining moagi sa lapukon nga daplin sa suba padulong sa Miligan lapos ngadto sa Santo Nino, Tumapik padulong sa Balanban, Upper Salug dako ayha makatabok.
Usa usab sa reklamo sa mga pasahero mao ang pagkataas sa pila sa mga sakyanan nga moagi sa lugar tungod wala pay klarong agianan nga gimontar ang gobyerno sa tulay nga naputol. (DXPR News Team)
