Gikasuhan na ug illegal possession of firearms ug illegal possession of explosive ang tulo ka mga suspect nga nasikop nga nagpakaron ignon nga reservist.
Sumala ni Station 4 Commander Police Senior Inspector James Daleon nga kumpirmadong nagpakaron-ingnon lang ang mga suspect nga miyembro sa Philippine Army gumikan kay wala ang ilang mga pangalan sa mismong listahan sa Armed forces of the Philippines.
Kahinumduman, nga na-aresto ang tulo ka mga lalaki nga naka camouflage uniform sakay sa ambulansiya sa usa ka checkpoint sa barangay tubod niadtong martes sa gabie.
Adunay impormasyong nadawat ang mga mga otoridad nga armado ang maong mga suspect.
Mas nagduda pa ang mga otoridad gumikan kay walay bisan usa ka nurse o doctor nga anaa sulod sa maong ambulansiya.
Mga armas ug Granada ang nakita sa mga kapulisan sa gisakyang ambulansya sa mga suspect.
