Gipresentar ni Police Regional Director for Northern Mindanao Brig. General Rafael Santiago ug DILG Regional Director Arnel Agabe sa media ang tulo ka mga miyembro sa New Peoples Army kon NPA nga misurender sa mga otoridad.
Kini nga presentasyon atol sa press conference sa Camp Alagar karong udto.
Matud ni Santiago nga ang duha sa tulo ka mga rebelde, amahan ug anak, ug ang usa kanila sniper.
Samtang ang usa sa tulo ka mga surenderees, usa ka organizer sa mga rally batok sa gobyerno.
Matud ni Santiago nga sulod sa kapin usa ka bulan nga negosasyon, ang anak ug amahan, misurender ngadto ni Police Major Alex Sonido, ang hepe sa City Mobile force Company niadtong August 11 sa Barangay Pigsag-an ning syudad.
Matud ni Santiago nga dala sa ilang pag-surender ang ilang armas nga garrand riffle ug 45 caliber pistol lakip mga bala.
Gibutyag ni Santiago nga ang maong mga rebelde, sakop sa Guerilla Front 12 nga nagsilbing militia ng Bayan nga nag-operate sa Talakag, Bukidnon.
Matud ni Santiago nga ang maong mga rebelde, gi-recruit niadtong 2015 kay gi-ilad sa ilang mga kaubang rebelled ug gipato-o nga walay nahimo ang gobyerno sa ilang adlaw-adlaw nga panginabuhian.
Gidugang ni Santiago nga ang tulo ka mga surenderees, ubos karon sa ilang custody sa Camp Alagar, samtang nag-hulat sila sa financial assistance nga ihatag sa gobyerno pinaagi sa E-CLIP.
