Davao City – Nadakpan sa kapolisan sa Sta Ana Pnp ang tulo ka miyembro sa Sama tribe human naaktuhan sa kapolisan nga nag pot session natigayon alas 2:40 sa hapon didto sa pinuy-anan sa usa ka Camidang Alvarez nahimutang sa Purok 6 Brgy. 23- C siyudad sa Davao.
Subay report sa Sta. Ana PNP, ang tulo ka mga suspect naila nga mao sila si Zardon Makahati, 21 anyos, ulitawo, Ben Saupit, 21 anyos, ulitawo, ug Raffy Jackni, 24 anyos, parehong nagpuyo sa Purok 6 Isla Verde, Brgy. 23-C ning dakbayan.
Nakuha sa tulo ka mga suspect ang usa ka open transparent plastic sachet nga adunay residue sa gituohang shabu, duha ka improvised aluminum foil tooter ug tulo ka improvised aluminum foil strip.
Ang tulo ka mga miyembro sa Sama tribe gibalhug na sa Sta. Ana PNP ug gihikay ang kasong kalapasan sa R.A. 9165 kun comprehensive dangerous drugs act of 2002.
RadyoMaN Don Pulayao
