Gipaubos karon sa imbistigasyon ang tulo ka polis nga sakop sa Cagayan de Oro City Police Office kon COCPO, gumikan matud pa sa pagkalambigit niini sa illegal nga sugal.
Tungod niini, mohimo ang COCPO og komitiba alang sa internal cleansing aron pamatud-an ang ilang nadawat nga report batok na sa tulo ka polis nga nalambigit sa illegal nga sabong.
Kini ang gipahayag ni COCPO spokesperson Chief Insp. Mardy Hortillosa, kinsa wala una miila sa maong mga polis tungod kay nagpadayon pa ang ilang imbistigasyon.
Gibutyag usab ni Chief Insp. Hortillosa, nga kinahanglan usab nga magpakita og proweba ang tawong miakusar sa mga polis aron nga mas daling masilotan ang maong ma polis.
Gimando usab ni COCPO chief Senior Supt. Robert Roy Bahian, nga kinahanglang ipaubos sa internal cleansing group ang maong mga polis ug mosumite sa resolusyon, aron mapatuman ang tukmang aksyon batok sa mga polis nga iscalawag.
Nasayran nga gawas sa illegal activities, gitutokan usab karon sa liderato sa COCPO ang mga polis nga pakyas sa pag-perform sa mandato nga gisangon kanila.
.
By: Radyoman Aiza Mishelle Enloran and Radyoman Ellah Baculio
