Davao City – Arestado ang tulo ka mga drug pushers atol sa gipahigayong drug buy bust operation sa kapulisan sa Sta.Ana ug Sto. Tomas Municipal Police Station.
Sa Sta. Ana PNP, sikop mao sila si Jodanne Matute, alias Dondon, legal age, trisikad driver nga taga Mabini Boulevard, Davao city ug si Arussin M Tulawi alyas Walah, legal age, minyo, street sweeper sa CENRO nga taga Piapi Blvd, Brgy 21, Davao City.
Positibong napalitan og gituohang shabu ang duha ka mga suspek sa kantidad nga 500 pesos isip mark money diin nakuha sa ilang posisyon ang duha ka gituohang shabu.
Samtang balhug usab sa prisuhan ang usa ka mag uuma atol sa gilusad nga operasyon sa Purok 1-A, Menzi, Brgy. Tibal-og, Sto Tomas, Davao del Norte.
Suspek mao si Ronald Jadraque Bonghanoy, 23 anyos, live-in, banana farm laborer nga taga Purok 7, Feeder Road 2, Barangay Tibal-og, Sto. Tomas Davao Del Norte.
Nakuha sa dinakpan ang duha ka cellophane sa gituuhang shabu, 500 pesos buy bust money, cellphone ug usa ka pouch.
Mga dinakpan mag atubang og kasong kalapasan sa Section 5 ug 11 sa RA 9165 kon Comprehensive Dangerous Drugs Act of 2002.
RadyoMaN Abi Bibera
