Sa report gikan sa Davao City Police Office (DCPO) giila ang tulo ka suspek nga nadakpan nga mao sila alyas “John” 19 anyos, residente sa maong lugar ug duha ka menor de edad nga sila alyas “Joe” taga Talaingod Davao del Norte ug alias “Adrian” residente sa Aroyo Compound, Matina Crossing
Sumala pa mireklamo sa mga awtoridad ang usa ka alyas Maria nga taga Iwha Village, Dumoy kinsa nabiktima sa pagpanulis nakuha ang iyang usa ka unit nga Samsung A71 mokantidad og Php 22,000.00.
Sa dihang girespondehan sa mga sakop sa awtoridad sa pag-abot sa maong lugar nakamatikod ang mga suspek dayon mipabuto sa ilang armas ngadto sa kapulisan apan daling misibat ang mga suspetsado. Si alyas “Dot-dot” mitulis sa biktima samtang si alyas “Ken-ken” ang gitumbok nga mipusil sa mga pulis apan nakasibat og nabilin ang iyang .38 revolver nga adunay duha ka basiyo sa bala ug narekober ang usa ka single motorsiklo.
Sa imbestigasyon sa kapulisan nga ang mga dinakpan nalambigit sa sunod-sunod nga insidente sa pagpanulis diin ang ilang ginalungkab ang roll up door ug sagad sa ilang target mga establisemento ug manguha og mga butang sa area sa Sasa, Buhangin Sta Ana ug Bajada.
Ang tulo ka dinakpan balhug na sa Bajada Police Station ug gi-andam na ang tokmang kaso batok kanila.
RadyoMaN Don Pulayao
