Gisikop sa kapulisan sa Misamis Oriental ang tulo ka wanted persons sa unang tulo ka adlaw sa 2019.
Lakip sa gisikop mao ang giilang number 5 most wanted person sa Misamis Oriental nga si Reynol Dandasan Rama, 45 anyos, minyo ug taga Suktan Dimaporo, Lanao del Norte ug dunay kasong three counts of rape.
Ikaduhang gisikop mao ang giilang number six most wanted person sa Villanueva, Misamis Oriental nga si Jeniver Asiñero, 40 anyos, minyo ug taga Purok 2, Zone 3, Barangay Katipunan sa maong lungsod ug nag-atubang sa kasong paglapas sa Republic Act 9165 o Comprehensive Dangerous Drugs Act of 2002.
Ikatulong gisikop mao si Noelito Kiunisala Mamba, 29 anyos, ulitawo ug taga Purok 5, Barangay 26, Gingoog City ug nag-atubang sa kasong frustrated murder.
