[image: IFM 919 Logo (1).jpg]
Patay ang mag-igsuong Engkong ug naangol ang syete anyos nga anak sa isa sa mga biktima sa Sitio Maligang, Barangay Sapu Masla, Malapatan, Sarangani Province human gipusil sa suspek naila sa pangalang Jonathan Pablo, legal age alas-6 sa gabie adlawng Byernes (January 4, 2019).
Sa inisyal nga imbestigasyon giila ang mga biktimang namatay nga silang Jayson, 25 anyos; Rolando, 33 ug Angelo, 36 nga nakaangkon og daghang samad pinusilan sa ilang kalawasan.
Nadala sa ospital ang anak ni Jayson nga si Marvin naigo og bala sa iyang tiil.
Nanan-aw og tv ang mga biktima dihang gisulod gikan sa kosina sa suspek nga si Pablo og gisagunsunan sa pagpamusil ang mga biktima.
Nisibat gilayon ang suspek paingon sa wala masayring lugar og karon gipangita na sa kapolisan.
Nasayran nga suspek sad sa pagpatay si Pablo sa barangay official sa Malapatan.
Nalambigit sab sa daghang kaso ang suspetsado.
Nagpadayon ang gihimong imbestigasyon sa kapolisan sa maong kaso.
