General Santos City— Samdan ang tulo ka mga mananagat human masunog ang bankang panagatan nga gipanag-iyahan sa pamilyang Parilla, alas 8 ang takna sa buntag kagahapon.
Giila ni SFO4 Vonne Sancho sa Alabel Fire Station ang mga nasamdan nga silang Jovanni Pintuan, Supriano Parilla ug Rosevel Antonio nga anaa na karon nagpabilin sa balay tambalanan.
Base matud pa sa imbestigasyon, padulong na managat ang maong bangka ang mga sakay niini ug wala namatikdan nga aduany nagluto rason nga gidakop sa kalayo ang gasolina nga hinungdan sa sunog.
Dugang pamahayag ni SFO4 sancho nga mukabat sa usa ka milyon ka pesos ang inisyal nga danyos sa maong sunog kung asa naugdaw ang maong bangka. Saysay pa niini nga mukabat pa lang sa kapin usa ka kilomtero gikan sa pangpang sa kadagatan sa Brgy. Ladol Alabel ang maong bangka dihang nahitabo ang sunog.
Pag-angkon niya nga kapinoras usab ayha nadeklarang fireout gumikan sila sa BFP ang naglisod sa pagpalong sa kalayo gumikan dili maka-abot ang hose sa ilahang firetruck.
