General Santos City—hospital ang gidangatan sa usa ka 26 anyos nga lalaki human kining gitigbas sa iyang bayaw sa may Prk. Lenaran, Barangay Caltuad, Glan Sarangani Province.
Ang biktima nailhang si Roldan Liwa, 26, residenti sa Prk. Bataulog, Barangay Caltuad, Glan, Sarangani, Province. Alas 12:30 ang takna sa udto dihang giimbitahan sa iyang bayaw nga si Randy Sinon nga taga Prk. lenaran sa samang barangay ang biktima nga magi num apan alas 8:00 ang takna sa gabie dihang nangahubog na didto na nag lalis ang mga nahisgutan.
Tungod sa kasuko, mikuhag sundang ang suspek dayon gitigbas ang biktima pila ka higayon igo sa iyang ulo ug lawas.
Paspas nga gidala sa balay tambalanan ang biktima human sa insidenti. Samtang padayon karon ang imbistigasyon sa kapulisan sa Glan Municipal Police Station kalabutan sa insidenti ug ginasuta kung mupasang-at ug kaso ang biktima batok sa iyang bayaw human kining gitigbas.
