Liloy, ZDN-Danlog pa unat sa isda ang responsable sa pagpang luba nga si Nelson Quiapo, taga San Pablo, ZDS, apan napukot ra gihapon kini sa kapulisan sa Liloy human kini mitago sa balay ni Boboy Pingkian sa mao nga lungsod.
Migawas sa imbistigasyon sa kapulisan sa Liloy nga si Junrel Salmirol taga san Pablo, ZDS, maoy biktima human kini giluba didto mismo sa usa ka fishing boat nga gipanag-iyahan ni Hadji Ming, taga Tugbungan, Zamboanga City.
Paghidangat sa kapulisan walay na kini nag ginhawa nga nag bay-ad sa salog sa Bangka.
Sa wala pa na hitabo ang pag pang luba, nagkalalis kini biktima ug suspek didto sa tugkaran sa panimalay ni Malyn Eway, human sa ilang lalis ang biktima miadto kini sa Bangka nga naka angkla sa baybayon para matulog.
Apan pipila lang ka minuto ang milabay kalit lang misyagit ang biktima nga si Junrel ug nangayo ug tabang, didto na nakit-an ni Jarvel Abañero nga milayat ang suspek nga si Nelson gikan sa Bangka bitbit ang kutsilyo.
Didto nalang nakita sa saksi nga nakaagkon ug samad sa dughan ang biktima nga maoy hinungdan sa iyang wala damhang kamatayon.
Ang suspek, pormal na kini napasakaan ug kasong pagpatay, ug matod pa ang hinungdan sa pagpangluba, tungod saw ala pagka sinabtanay.
