General Santos City—usa patay samtang usa ang angol sa nahitabong pagpinusilay sa magparyente sa may Sitio Nalon, Barangay Sapu Masla, Malapatan Sarangani Province alas 10:00 ang takna sa gabie niadtong Domingo, July 30, 2017.
Ang biktimang nakabsan nailhang si Arci Yangon, 28, residenti sa Sitio Nalon, Barangay Sapu Masla, Malapatan. Samtang ang angol giilang si Esda Magwan, 35, residenti sa samang lugar.
Subay sa pahayag sa biktimang si Esda nga iya lang giuwang ang away sa iyang bayaw nga si Arci Yangon ug ig-agaw nga si Esmer Lambanay, 32, residenti sa samang lugar apan walay swerti nga siya naigo usab dihang nagpinusilay ang duruha.
Nag-ugat ang bangi sa duruha sa utang ni Yangon nga P2,000.00 ngadto kang Esmer Lambanay. Naningil niadtong higayona si Ermer ngadto sa biktima apan isog matud pa ang nahisgutan hinungdan nga misangko kini sa away.
Tungod samang nag gunit ug shotgun sila giuwang ni Magwan aron unta dili musangko sa pagpamusil apan nagnakablit sa suspek ang iyang shotgun nga maoy nakaigo kang Yangon diin nadamay pa ang biktimang si Esda.
Patay on the spot ang biktima nga si Arci Yangon samtang si Magwan alas 10:00 na sa buntag sa adlawng Lunes nakaabot sa Dr. Jorge Royeca Hospital gumikan sa kalayo sa ilang lugar.
Sumala ni Jun Yaton, paryenti ra sa mga biktima nga duna nay daang bangi ang biktima ug ang suspek. Sa kasamtangan matud pa anaa na sa buhatan sa ilang Barangay ang suspek, samtang ila pang desisyunan sa pamilya kung ila bang ireklamo sa kapulisan o areglohon nalang atubangan sa ilang tribal chieftain ang kaso sa suspetsado.
