TWG PAGATUKURON PARA MAGAMIT IT OMAN RO DREDGING MACHINE

Kalibo, Aklan = Ging rekomendar it Sangguniang Panlalawigan Committee on Disaster Preparedness ro
pagtukod it Technical Working Group para magtutok kon paano pa magamit it oman ro dredging
machine.
Ro nasambit nga makina hay ging bakae it gobyerno probinsiyal it Aklan sa kantidad nga 12 miyones
pesos ko dag-ong 2011. Pero matapos nga magamit raya it sang beses ko 2012 sa pag implementar it
100 million pesos dredging project it Department of Public Works and Highways DPWH sa Aklan River,
owa eon hagamit it oman.
Sa legislative inquiry nga ging patigayon it Sangguniang Panlalawigan angot sa estado it dredging
machine, hasayran nga ginahangean eon raya nga ipaidaeom sa overhauling bangud mabuhay nga owa
hagamit ag kon indi gid raya magamit it oman masamad eamang.
Ro maging obligasyon it TWG hay ro pagplano kon paalin magamit it oman ro dredging machine para
indi maging kanugon ro 12 milyones pesos nga ging bakae kara…