![WEBSITE-18-×-10-in-2022-11-04T060625.077.jpg](https://i0.wp.com/rmn.ph/wp-content/uploads/2022/11/WEBSITE-18-×-10-in-2022-11-04T060625.077.jpg?resize=696%2C387&ssl=1)
Davao City – Gikalipay sa Public Utility Jeepney (PUJ) drivers ang pagdagsa sa mga pasahero sa dihang giluagan na ang COVID restrictions ilabi na nga nagsugod na ang full face-to-face classes.
Sa pakighinabi sa DXDC RMN Davao kang Rechie Gumila, driver sa jeep nga dunay rotang Toril, Davao City, sulti niini nga hinay-hinay na siya nga nakarekober ug mas dako na iyang kita sa matag adlaw.
Sa laing interview sa usa pa ka driver nga si Hernando Oso, gipatuman usab niya ang 20 porsyentong diskwento sa pletehan alang sa mga estudyante.
Samtang si Jun Grigler, Driver-Operator, dako na usab nga tabang sa drivers ang subling pag-ubos sa presyo sa petrolyo.
Kahinumduman nga nagpatuman og rollback sa presyo sa petrolyo ang kumpanya sa lana karong semanaha.
RadyoMaN Don Pulayao
Facebook Comments