PNP gipanganti nga matunol ang hustisya sa rape survivor

Davao City – Grabeng trauma ang giagian karon sa 15 anyos nga dalagita kinsa gilugos sa tulo ka mga suspek niadtong Oktobre 30, 2022 sa may Ecoland ning syudad sa Davao.

Gipanganti ni Police Major Rosario Aguilar, Ecoland Police Station Commander ang pagtunol og hustisya ug pagdakop sa laing duha pa ka mga suspek nga giingong mga menor de edad.

Ang dalagita gikan nga nagsimba ug alegasyong pwersahang kining gibira sa tulo ka mga lalaki ug gilugos sa bagnutan.

Nitanyag ang City Social Welfare and Development Office og theraphy ug psychosocial intervention ngadto sa biktima.

Kahinumduman nga namatay human giingong nangilog og armas sulod sa mobil ang usa sa mga rape suspects nga si Aljun Piyayo o “Abion” 26 anyos samtang ginabyahe kini padulong sa SPMC pasado alas 10 sa gabie niadtong Oktobre 31.

Ang suspek dalahon unta sa ospital sa mga pulis human mireklamo sa grabeng sakit sa tiyan, giilog matud pa niini ang baril sa police escort ug nisulay og pamusil hinungdan nga gipabuthan kini sa mga awtoridad.



Samtang, gisulayan sa atong team nga makuha ang kabahin sa kabanay sa suspek apan nidumili sila sa pagpainterbyu.

Abli si Police Major Rosario Aguilar, Ecoland Police Station Commander sa himuong moto proprio investigation sa insidente ug kung kwestyunable man sa kabahin sa pamilya sa suspek ang nahitabo.

RadyoMaN Aimee Guinita

Facebook Comments