Ubay-ubay nga mga kaso, gihuptan karon sa PNP 10 Anti-Cyber Crime Group

38

Gibulgar sa PNP 10 Anti-Cybercrime group nga aduna silay ubay-ubay nga mga kasong gihuptan kalabot sa Cyber Prevention Act of 2012.

Sa interview sa RMN Malaybalay ngadto kang PMSGT Dexter Montejo, sa PNP 10-ACG gibutyag niini nga tungod kay kober nila ang tibook Northern Mindanao maong daghang kaso ang ilang gihuptan tungod sa kadaghan reklamante nga niduol sa ilaha.


Nasayran nga apil sa trabaho sa anti cyber crime group mao ang pag-imbestiga sa tanang cyber crime cases ilabina sa computer system involved, pagpahigayon ug recovery o forensic analysis sa mga computer ilabina sa mga electronic evidence, paghimo ug guidelines sa imbestigasyon kalabot sa cybercrime, nagpahigayon usab sila ug technical support sa mga investigating unit sama sa PNP ug NBI, ug pagsuporta sa publiko nga mupasaka ug reklamo kalabot sa kaso sa cyber crime.

Sa karon padayon ang pakiglambigit sa PNP-ACG sa rehiyon sa provincial government of Bukidnon aron makabutang sila ug satellite office dinhi sa probinsya.

Facebook Comments