Ulitawong nakig-break sa kabit nga minyo gisabligan og binukal nga tubig

47

Davao City – Mipatim-aw sa Talomo PNP si alyas Bobong, 27 anyos, ulitawo, boarder sa Sandawa Matina, Davao City, ug ang iyang land lady aron ireklamo ang iyang ka-boardmate nga minyo nga si alyas Tina, 27 anyos nga beautician, nga nanablig og binukal nga tubig alas 12:00 sa tungang gabii.

Sa blotter sa presinto tres, dili buot ni alyas Tina nga undangon ang ilang relasyon ni alyas Bobong rason nga iyang buot sudlon sa kwarto ang ulitawo aron makig-istorya.

Apan nanarangka si alyas Bobong rason nga giguba ni alyas Tina ang bintana ug didto gipalusot ang iyang kamot ug gisabligan og ininit tubig ang natulog nga ulitawo.

Gusto na sa ulitawo nga putlon ang ilang relasyon tungod kay aduna na’y pamilya si alyas Tina nga anaa sa Surigao City.

Gitambagan sa mga pulis si alyas Bobong ug tag-iya sa boarding house nga dad-on ang reklamo sa barangay aron didto patubagon si alyas Tina sa damyos nga nahimo.

RadyoMaN Erin Lumosbog

Facebook Comments