Muerto el un pulis, mientras dos el irido desfues canila tira el desconosido suspechao adentro mismo del un establisimiento que ta compone motorsiclo na camino del Nuñez Extension banda alas-singco y media ayer tarde.
Con el victima ya identifica el policia como si SPO4 Abdurahman Estino quien ya muri on the spot,mientras irido tambien canda SPO2 Abdulmunir Estino y el guardya del establisemiento si Leo Calago.
Asegun na imbestigador del caso, si Estino aquel tiempo apuera del Yamaha Motorcycle Shop cuando bigla ya lang ya aparece el riding tandem suspechao y ya tira ya lang insiguidas canila usando calibre cuarentay-singco pistola.
Desfues del insidente el suspechao ya escapa insiguidas para na desconosido direccion.
El SOCO ya fuede recuvri seiz basiyo del calibre 45 na lugar del insidente.
Ya establiza dayun spot checkpoints el policia na halos todol canto del fueblo para fuede cuji con el suspek,sin embargo, este ya esta negativo. -Bhong Simbajon/RMN NEWS
