Tatlo ka mga barangay sa ciudad sang Talisay ang una nga nangin recipient sang Oplan Tabang para sa mga nabahaan sa Northern Negros sang DYHB, iFM 94.3 kag RMN Foundation.
Nagdangat sa 65 ka mga recepients sa Brgy. Zone 1 4-A, Brgy. Zone-14-B, Kag Brgy. Zone 8, ang nakabaton sang relief packs nga nagaunod sang lima ka kilos sang bugas, canned goods, noodles, bihon kag mangin used clothings.
Ang nasambit nga mga barangay amo ang malala nga naapektuhan sang pagbinaha sang Enero 1, nga ginsundan pa sang Enero 8. Dako ang pagpasalamat ni Punong Barangay Oliver Casiano sang Brgy. Zone 1 4-A sa bulig nga gindul-ong sa ila sini nga aga bangud ang pila sa mga yara sa listahan amo ang nagkalaguba ang ila puluy-an.
Nagapasalamat man ang personnel sang City Social Welfare and Development Office (CSWDO) nga si Irene Conlu sa Oplan Tabang bangud bisan paano makapiyan-piyan ini sa kinahanglanon sang mga residente nga naapektuhan sang pagbinaha sa Northern Negros.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
