Natala ang una nga kumpirmadong kaso sa covid-19 sa lungsod sa Sumilao.
Kini usab ang ika-9 nga kaso sa COVID-19 sa probinsya sa Bukidnon.
Ang pasyente usa ka babaye, 28 anyos, minyu, lumupyo sa Brgy. Vista Villa, Sumilao, Bukidnon. Siya usa ka Locally Stranded Individual (LSI) kansa naka-schedule nga mu-abroad niadtong bulan sa Marso 2020 apan nakansela tungod sa lockdown sa Manila.
Tungod sa pagkansela sa iyang biyahe, nag desisyon nga muuli. Nakakuha sa medical certification diin negatibo kini sa RAPID TEST.
Nakakuha sad sita ug Travel Authority gikan sa PNP.
Sunod sa proceso nga gipahigayon sa Probinsya, gikuha ang maong pasensya sa Laguindingan Airport unya gidala sa Provincial COVID-19 Triage Facility sa Malaybalay City niadtong Hunyo 17, 2020.
Sa iyang RAPID TEST (RDT), nasuta nga POSITIBO kini. Hunyo 18, gikuhaan sa CONFIRMATORY (SWAB) TEST. Sa adlaw nga biernes Hunyo 19, 2020, gikumpirma sa DOH nga POSITIBO kini sa COVID-19.
Atoang gi-klaro nga ang mao nga pasyente wala pa maka-uli sa lungsod sa Sumilao sukad kini niabot gikan sa Manila. Sa kasamtangan ang pasyente anaa sa Provincial COVID Center Isolation Facility (BPMC) sa Malaybalay City.
Ang pasyente walay gibati nga sintomas ug padayon ang atoang pagmonitor kaniya.
Gi-awhag ang tanan nga magpadayon nga mag-maabtikon ug mag-binantayon.
