Gipa-activate na ni Mayor Oscar Moreno ang Incident Management Team kon I-M-T sa City hall ug iyang gi-recall ang tanang membro sa I-M-T aron maoy modumala ug mo-alalay sa mga debotong katoliko nga modagsa sa mga pampubliko ug pribadong sementeryo sa adlaw sa mga santos ug mga kalag sa Nobyembre uno ug dos.
Matud ni Allan Porcadilla, Hepe sa City Disaster Risk Reduction and Management Department sa City hall nga lakip sa gipa-active sa Memorandum Order ni Mayor Moreno mao ang Task Force Oro nga naglakip sa police sa COCPO ug mga sundalo sa 4th ID aron maoy mobantay sa tanang sementeryo nga maoy dagsaan sa mga tawo.
Gibutyag ni Procadilla nga basi sa Memo sa Mayor, gipasiguro sa local chief executive sa mga security officials nga malinawon ang kasaulogan sa All Saints Day ug All Souls Day.
Gawas sa Task Force Oro, gipa-active usab sa Mayor ang Organisadong member sa City Disaster Risk Reduction and Management Team nga naglakip sa Oro rescue ug Emergency Medical Specialist.
Lakip sa gipa-activate sa mayor ang kapin 200 ka mga personnel sa Roads and Traffic Administration aron pagsiguro nga dili mabalda ang traffic sa mga entrance sa mga pampubliko ug pribadong sementeryo ning syudad.
Matud ni Porcadilla nga unyang udto, mag-sugod na ang deployment sa tanang membro sa I-M-T sa tanang mga lugar sa Cagayan de Oro nga dagsaan sa mga tawo.
Ang command Center sa I-M-T ilang gipahimutang sa city hall samtang sa mga sementeryo ug uban pang thickly populated areas ning syudad dunay ilang ipahimutang nga command post sa I-M-T.
Gidugang ni Porcadilla nga ang trabaho sa I-M-T sugod karong adlawa hangtud sa Nobyembre tres.
