LA CARLOTA CITY – (2nd Update) May lampos sang bato sa ulo, luslos na ang iya underwear samtang nagatukis naman ang iya blouse pa ibabaw nga ara na sa iya abaga samtang ara sa iya tupad ang iya bra.
Amu ini ang sitwasyon sang nagakayaon kag wala na sang kabuhi sa kalog sa Hacienda Elena, Brgy. Ayungon, La Carlota City ni Merlyn Villamar, 26 anyos kag pumuluyo sang Brgy. Guintorilan, banwa sang San Enrique.
Sa pagpangusisa sang dyHb sa La Carlota City Police Station sa pagpamuno ni PCInsp. Romeo Vargas nga si Villamar ang indi malayo ginlugos kag ginpatay.
Suno kay Vargas nga ginabulubanta nga napatay si Villamar mga las 9 sang gab-i tungod matig-a na ini sang nasapwan nga nagakayaon sa kalog.
Sa karun ginahulat pa ang resulta sang autopsy agud mahibaluan kon anu gid ang natabo sa iya.
Narecover sang Scene of the Crime Operatives ukon SOCO ang duguon nga bato nga ginapatihan ginlampos sa ulo ni Villamar, antis ginlugos ukon pagkatapos lugos.
Basi sa pahayag sang iloy sang biktima nga si Marilou Villamar, Domingo naglakat ang iya bata nga si Merlyn apang wala ini nakapauli rasun nga nagkabalaka na sila.
Nakilala nya ini paagi sa tattoo nga rosas kag rosarito sa iya wala nga abaga./ With reports from Grace Supe| Photo from Merlyn Facebook account
