Nasikop sa Bureau of Immigration ang unom ka illegal alien sa managlahing operasyon sa Mindanao.
Matud ni Immigration commissioner Jaime Morente, nga gipahigayon ang operasyon human sila makadawat og report kalabot sa nasangpit nga mga iligal nga langyaw.
Lakip sa nasikop ang Chinese nga si Tony Co sa Cagayan de Oro kinsa walo ka tuig nang overstaying sa nasud.
Gidakop usab ang usa ka Korean national nga si Kim Yoonsig kinsa nalakip sa blacklist sa BI.
Nasikop usab ang usa ka Amerkano, usa ka Sri Lankan ug duha ka Indonesian kinsa walay mga tukmang papeles.
Sa karon, kasamtangang anaa sa immigration detention facility sa Davao City ang mga langyaw samtang gihulat ang deportation proceedings batok kanila.
Facebook Comments
