Boluntaryong misurender sa 1st Special Forces Battalion sa Manolo Fortich, Bukidnon ang upat ka babayeng gikabutyag nga dunay mga ranggo sa New Peoples Army kon NPA.
Kini mao silang Lorena Micabalo, 24 anyos, codenamed JAI-JAI a Political Officer sa SYP Company 3, SRC4, NCMRC, Gloria Jandaya, 63 anyos, codenamed DIDING, Staff sa Regional Urban Committee (RUC), NCMRC, Gleceria Balangiao, 34 anyos, codenamed JAO Liaison Staff of RUC, NCMRC, anak ni Gloria Jandaya ug Jackielyn Ann Elaco, 34 anyos, codenamed LALA, usa ka Finance Officer ug Political Instructor of Pltn DEREK, SYP Coy-2, GF68A, SRC4, NCMRC.
Lakip usab sa gisurender ni Jackielyn ang nagkadaiyang medical ug dental kits, mga tambal, cellphones ug Acer Tablet.
Nasayran nga ang upat ka misurrender nga mga miyembro sa CPP-NPA’s Sub-Regional Committee 4, NCMRC ang gapang- recruit sa mga residente sa Western Bukidnon ug sa urban areas of Cagayan de Oro City.
Gi-angkon usab nila nga galisod na sila og too sa mga pakyas nga mga saad sa ilang mga leader ug rason usab sa ilang pag-surrender nga matabangan sa gobyerno pinaagi sa Enhanced-Comprehensive Local Integration Program kon E-CLIP.
Niini, gidayeg ni 4th Infantry Division Commander, Brigadier General Franco Nemesio Gacal ang tropa sa 1st Special Force Battalion sa pag-paningkamot nga ma-aghat ang maong mga indibidwal nga mo balik sa sabakan sa gobyerno ug mo-enroll sa E-CLIP.
