General Santos City–Upat ka mga panimalay ang nasunog sa Sarangani Phase, Brgy San Isidro, dakbayan sa Gensan pasado alas 2:00 ang takna sa hapon.
Gibutyag ni Senior Fire Officer 1 Oliver John Alfeche, usa sa mga nasunog ang balay ni Atty. Jose Villanueva og Richie Sandoval.
Matud ni Alfeche nga sa upat ka mga balay duha niini ang totally damage samtang duha usab ang partially damage.
Mismo matud pa nga ang asawa ni Atty Villanueva ang una nang nakamatikod sa sunog kung asa dayon kining nagpakitabang sa mga silingan.
Dili pa tin-aw karon sa Bureau of Fire Protection kung unsa gyud ang hinungdan sa pagkasunog sa upat ka panimalay sa Sarangani Phase 1.
Sumala ni SFO1 Oliver Alfeche, padayon pa karon ang imbestigasyon sa ilang buhatan aron masuta ang tinuod nga hinungdan sa panghitabo.
Mukabat sa 100 thousand pesos ang bana-bana sa BFP nga danyos sa maong sunog.(JB)
