Gisulong sa gibana-bana nga 100 ka rebeldeng New Peoples Army ang Binuangan, Municipal Police Station alas tres kapin sa kadlawon kaganina.
Matud ni Police Senior Supy. Rolando Destura, ang Misamis Oriental Police Provincial Director nga upat ka mga polis ang samaran sa engkwentro, kinsa milungtad ngadto sa tulo ka oras ang pagsinukliay sa bala.
Naila ang mga samarang polis nga sila si PO1 Ramonito Zambas, PO3 Alberto Bernadas, 48 anyos, PO1 Josua Satur, ug ang Chief of Police sa Binuangan, Municipal Police Station nga si Police Senior Inspector Dante Hallasgo.
Dugang pa ni Senior Supt. Destura, nga dako ang iyang pasalamat nga wala makasulod ang NPA sa Binuangan police station, human nga misukol kini sa mga rebelde.
Gikompirma usab sa maong opisyal nga naguba sa NPA ang Binuangan police station human kini nga gipaulanan og bala sa mga rebelde.
Narecover sa area human sa hitabo ang duha ka monotov bombs, tulo ka M2O3, duha ka garsole grenade, usa ka fully loaded magazine sa AK47 ug subversive documents nga adunay nakabutang nga plano sa NPA.
By: Radyoman Aiza Mishelle Enloran
photo credit: PNP-10
