Misurender sa 26th Infantry Batallion Philippine Army sa Agusan del Sur ang upat ka sakop sa New Peoples Army.
Kini ubos sa Guerilla Front Committee o GFC 88 dala ang ilang walo ka armas ug usa ka improvised explosive device.
Gi-welcome ni 26th Infantry Battalion Commanding Officer Lt. Col. Rommel Pagayon ang upat ka rebelde.
Matud ni Lt. Col. Pagayon nga mibalik sa gobyerno ang upat tungod sa kagutom, pagsakit ug kakapoy gawas pa sa nagpadayong operasyon nga gihimo sa militar sa mga kabukiran.
Gipahayag usab ni Col. Andres Centino, ang 401st brigade commander nga nagpakita lamang kini sa kahuyang sa GFC 88.
Tungod niini, giaghat ni Col. Centino ang ubang mga rebeldeng sakop sa GFC 88 nga mobalik na sa gobyerno aron maangkon ang kaarangan sa panginabuhi ug kalinaw sa pagpuyo.
Mahinumdoman, nga adbokasiya sa gobyerno nga dalhon ang kalinaw sa matag komunidad sa kabukiran aron maangkon na ang malungtarong kalinaw.
By: RadyoMaN Ellah Baculio
