Gisikop sa kapulisan ang upat ka tawong nalambigit sa illegal nga sugal sa Misamis Oriental.
Tulo niini, ang nasikop sa Villanueva Municipal Police Station human nagdula og mahjong sa Purok 9, San Martin, Villanueva, Misamis Oriental niadtong Dominggo.
Lakip sa nasikop silang Felizardo Ortiz, 45 anyos, ulitawo, Criselda Pame, 55 anyos, minyo ug Wilson Apao, hingkod ang edad, minyo ug puros residente sa nasangpit nga dapit.
Nakuha gikan sa possession sa mga suspek ang mahjong dices ug 100 pesos.
Samtang nasikop sa kapulisan sa Laguindingan Municipal Police Station ang lalaking nagpataya og illegal swertres niadtong Dominggo sa gabie sa Barangay Sambulawan, Laguindingan, Misamis Oriental.
Kini mao ang 24 anyos nga si Jezreel Lapasigue, ulitawo ug taga Zone 6, Barangay Sambulawan sa maong lungsod.
Nakuha gikan kang Lapasigue ang illegal gambling paraphernalia, 125 pesos ug duha ka stub nga dunay number combinations.
