DEVELOPING STORY
Guihulngan City, Negros Oriental – Katapo sang Philippine National Police ang gin-ambush sa Barangay Sitio Mantiid, Magsaysay, Guihulngan, Negros Oriental las 10 sini nga aga.
Isa sa mga napatay mismo ang hepe sang Guihulngan City Police Station nga si PSupt. Arnel Arpon.
Sa report ni Kasamang Anthony Maginsay sang dyWC Radyo Bandilyo (RMN Affiliate Station in Sibulan, Negros Oriental) , lima tanan ang napatay, dala na si PSupt. Arpon, samtang duha naman ang pilason.
Sa inisyal nga impormasyon nga nakuha sang dyHB gikan sa Negros Oriental Provincial Police Office ari ang pila ka mga updates.
Casualties: 1.PSupt. Arnel Arpon -Chief of Police 2. SPO2 Necasio Tabilon 3.SPO2 Anchita 4. PO3 Agosto 5. PO2 Balandres 6. PO2 Dunque
Wounded 1. SPO4 Delara, 2. PO3 Balderas 3. PO1 Maribao
Dugang pa, nga nagresponde ang mga kapulisan sa tawag gikan kay Councilor Edison dela Rita nga may nakit-an sila nga armado nga tawo samtang nagasakay sila sa motorsiklo upod ang iya driver.
Sila ang padulong na kon tani sa Poblacion halin sa Barangay Balogo.
Ginapatihan nga mga katapo sang New People’s Army ang naghimo bangod halin pa sang bulan sang Mayo may mga reported armed men na nga nagalibot-libot sa amu nga lugar.
Una man nga nagguwa sa intelligence report nga target sang rebelde grupo nga sudlon ang Guihulngan Police Station.
Tags: Visayas, Bacolod, ambush, guihulngan city,
