Pagadian City – Gikomperma sa imbestigador sa Bureau of Fire Protection ( BFP- Pagadian) nga walay fire exit ang chiong food center diin napaig ug natanggong ang duha ka kusinera dihang gilamoy ang ikaduhang andana sa maong kan-anan.
Sa interview sa RMN Pagadian kang SFO1 Abadies, nalukong ang mga biktima nga sila si Juvelita Canoy ug Meluna Sanches samtang naka-ikyas usab ang laing kaubanan niini nga si Danilo Delos Reyes.
Samdan usab ang duha ka mga bombero nga nailang sila si FO3 Michael Cauilan ug FO3 Ranier Tadeo human nahagbungan sa mga nagbaga nga butang.
Posible pa nga musaka ang kantidad sa danyos kun makompleto ang gilusad nga makuting imbestigasyon.
Nanawagan usab ang pamilya sa duha ka kusinera nga tabangan sila sa pamilyang chiong sa mga galustuhon sa pagpahiluna sa ilang inahan.
Nanawagan usab ang pamilya sa duha ka kusinera nga tabangan sila sa pamilyang chiong sa mga galustuhon sa pagpahiluna sa ilang inahan.
Mahinumduman nga ang maong mga establisyemento nga gilamoy sa kalayo sulod sa dose 12 ka oras gipanag-iyahan sa negosyanteng si Letecia Chiong.
