Usa ang patay, unom ka NPA nasikop ug duha ka pulis, samaran sa engkwentro sa Bukidnon

Patay ang usa ka sakop sa rebeldeng NPA ug duha ka pulis ang samaran samtang unom ka mga rebeldeng kumunista  ang nadakpan sa mga otoridad.

Kini atol sa  ilang encounter  sa mga police ug mga rebelde sa Sitio Colon, Barangay Halapitan, San Fernando, Bukidnon mga alas  9:30  sa buntag  kagahapon atol sa ika 50 ka tuig nga anibersaryo sa NPA.

Matud ni Camp alagar Spokesman supt. Surki Serenas nga wala pa maila sa ilang mga imbestigador ang namatay nga sakop sa NPA.

Apan gipa-ila ni Sereñas ang duha police nga  wounded in action, WIA,  nga sila si PO2 Hervey Lagura Mutia,  ug PO1 Cleoford Galla Cañete,  nga polos sakop sa Regional  Mobile force Battalion sa  Bukidnon, kon RMFB.

Si PO2 Muti ug PO1 Cañete, dali nga gidala sa  ilang mga kauban sa Laveña Hospital sa Valencia City, Bukidnon.

Gipa-ila usab ni Sereñas ang unom ka mga NPA nga nadakpan,  nga sila si Gerlu Madroñal Madaya, Eman Agna Tormis, Casimer Sacalye Absin, Alex Villariza Navarro, Jomar Hedokyo Cayapasan, ug Nilo Bahayan Salinay.

Matud ni Sereñas nga sa wala pa mahitabo ang maong encounter, ang mga Intelligence operative sa Bukidnon, nakadawat sa reports gikan sa mga civilian nga nagbutyag,  nga dunay armadong mga tawo,   nga gikan sa Sitio Supon barangay Nacabukad San Fernando Bukidnon.

Gibutyag ni Sereñas nga ang maong mga suspect nagplano sa paghimog Vandalized  sa Boundary sa San Fernando ug Valencia City ug pag-harass sa mga police station ug army detachment sa Bukidnon silbing ilang aktibidad sa ilang ika 50 ka tuig nga anibersaryo sa NPA.

Tungod sa maong reports ang Regional Mobile Force Battalion sa Bukidnon nagtukod sa ilang checkpoint sa Sitio Colon Barangay Halapitan sa San Fernando, Bukidnon  aron ilang babagan ang maong  mga suspects  ug pugngan sa ilang dautang plano.

Apan matud ni Sereñas,  nga samtang nag-check point ang mga sakop sa RMFB,  kalit nga mi-abot ang armadong mga suspect nga nagsakay sa ilang motorcycle, ug ilang gipamusil ang mga police.

Kini ang rason nga mibalos sa pagpabuto sa ilang mga pusil ang mga pulis ug nahitabo ang gira tali sa duha ka panig nga mokabat sa kapin kon kulang 30 minutos ang ilang  sinukliay sa mga bala.

Matud ni Sereñas nga atol sa  maong engkuwentro, samaran  sila PO2 Hervey Lagura Mutia  ug PO1 Cleoford Galla Cañete ug patay ang usa sa NPA rebel nga  wala pa ma-ila sa mga otoridad.

Matud ni Sereñas nga  atol sa maong encounter, mi-ikyas ang ubang suspect  sa lain laing direction gikan sa  encounter site nga sakay sa ilang  duha  ka motor nga ilang gigamit  silbing  gate away vehicle.

Didto sa Encounter site, na-recover sa mga otoridad ang lima ka hand grenade, usa ka Ingram 9mm, usa ka riffle grenade, usa ka .45 Caliber pistol, 10 ka spray paint, usa ka hand held radio, 6 ka Cellphone, 4 ka Backpacks, usa ka sling bag, usa ka IED Blasting Cap, usa ka detonating Cord, 2 ka Flash light ug 4 ka motorsiklo.

Ang unom ka mga suspects, gi-detain karon sa San Fernando Municipal Police station.

Lakip sa gi-custody sa San Fernando Police ang ilang nakuha  nga mga ebedensiya sa encounter site.

“They will face criminal Charges including but not limited to, Malicious mischief, illegal possession of fire arms and illegal possession of explosives” matud ni Sereñas.

Samtang sa pikas nga bahin.

Nagka enkwentro usab ang mga sundalo sa 4^th Infantry division ug mga rebildeng NPA sa Sitio Padiay, Sibagat, Agusan del Sur mga alas 10:35 sa buntag kagahapon atol gihapon sa ika 50 ka tuig nga anibersaryo sa NPA.

Apan matud ni  4^th ID Deputy  Spokesman Army Captain Reggie Go nga walay patay sa panig sa gobyerno.

Nagtoo ang mga sundalo sa 401^st Brigade nga dunay samaran sa panig sa  mga rebelde tungod sa lama sa dugo nga ilang nakita sa encounter site.

Human sa engkwentro, na-recover sa mga sundalo ang usa ka M-16 armalite riffle didto sa encounter site.

Matud  ni Go nga naglunsad sa combat patrol ang mga sundalo sa 401^st Brigade sa  dihang ilang nasugat ang  armadong  NPA nga ilang gitohoan nga sakop sa Front 21-B sa North Eastern Mindanao command.

Gibutyag ni Go nga ilang gitohoan sa 4^th ID nga ang maong mga rebelde, posibling mao ra gihapon nga mga suspects sa pagronda sa  ilang Patrol Base sa CAFGU didto sa New Tubigon, Sibagat, Agusan del Sur  kon diin ilang gikidnap ang duha sa miyembro sa Philippine Army ug 12 ka mga CAFGU.