Usa ka Jamaal James Calipayan ang nagpost sa iyang facebook account isip pamaagi arun sa mas dali nga pagkatap sa iyang pagpangayog tabang alang sa posibling makakita sa iyahang asawa nga si Atty. Sarah Cabrera-Calipayan (hulagway makita sa babaw) nga na-missing sukad pa kagahapong adlawa.
Samtang ako gabasa sa maong panawagan nga napost sa facebook 2 hours ago, nabati nako ang grabeng kabalaka pod sa maong bana. Iyahang gisaysay ang mga nahitabo sukad kagahapon. Nagtext na kuno ang iyang asawa nga si Sarah sa 11:00 ug 11:45 sa gabii nga padung na kining mupauli apan wala gyud kini maabot sa ilahang panimalay hangtud karung buntaga. Nagsigeg panawag si Jamaal kagabii pa apan dili kuno mutubag iyang asawa ug sa dihang pagabot na sa ala-una sa kadlawn, gibutang na kuno ang mga tawag hangtod nga dili na kini mareach.
Gisusi pod ni Jamaal ang trabahuan sa iyahang asawa apan sa logbook sa parking area nagpakita nga migawas na si Sarah 6:28pm kagabii.
Para sa mga posibling makatabang, palihug basaha sa ubos ang paghulagway ni Jamaal kabahin sa gisakyan sa iyahang asawa.
“She is driving a Honda City (urban titanium color) close to brown, model 2013, with plate number FHY 588. A blue sticker at the left rear windshield….”
Sa pagkakarun, nareport na ni Jamaal sa Cebu City Police ang panghitabo ug kasamtangang nagpaabot pa ug update o impormasyon kabahin kung hain na iyang asawa karun nga si Sarah. Atung pag-ampo sa safety sa maong abogada ug hinaut pa, dali kining makit-an.
Source: Jamaal James Calipayan Facebook Account
