Patay ang usa ka babae, human nga na sideswipe ang gisakyan niining motorsiklo sa usa ka dumptruck, sa Zone-2, Barangay Tablon ning syudad.
Biktima naila nga si Rosemary Vic Quirante, taga Barangay Iponan, ning dakbayan.
Nasayran nga angkas ang biktima sa motorsiklo nga gimaneho sa usa ka Julito Jagupit, 38 anyos minyo, nga taga Barangay Agusan ning dakbayan, dihang ma-sideswipe ang motorsiklo sa dumptruck, hinungdan nga maayong pagkalagpot sa babae ug napaingun sa ilawom sa truck ug nalatayan ang ulo.
Tungod sa nahitabo, maayong pagkaigo sa ulo sa biktima nga nagresulta sa paggawas sa iyang utok.
Samtang padayon nga nagpaayo sa Northern Mindanao Medical Center kon NMMC si Jagupit, human nga makaangkon sa samad sa ulo ug tiil ug bun-og sa lawas.
By; Radyoman Aiza Enloran
