Dead on the spot ang usa ka pulis ug samdan ang laing usa human gipusil samtang nag-duty alas 9:30 kagabii sa Barangay Sumpong, Malaybalay City, Bukidnon.
Giila ang namatay nga si PO3 Jerry Tropel samtang samdan ang kauban niining si PO1 Rene Caña.
Nasayran nga nag-patrolya ang duha ka pulis sa gikatahong insidente sa kadalanan dihang kalit silang gipamusil sa upat ka wala mailang lalake gamit ang M16 rifles ug cal.45 pistols.
Matud ni PSupt Surki Sereñas, gikondena ni NorMin police regional director Police Chief Supt. Timoteo Pacleb ang maong binuhatan.
Sa iyang bahin, gibutyag ni Bukidnon Police Provincial Director Police Sr. Supt. Benedicto Pintor padayun karon ang ilang gihimong imbistigasyon aron maila ang mga suspek bisan giangkon na sa NPA ang maong pagpamusil.
