Dako ang pasalamat sa pamilyang Floresta human natabangan pinaagi sa dxCC-RMN Cagayan de Oro.
Bisan paman sa kasakit, malipayong gidawat ni Shanna Mae Floresta, 18 anyos nga taga Zone 8, Barangay Bayabas ning syudad ang tabang pinansyal gikan sa mga tigpaminaw sa dxCC-RMN.
Unang nanawagan og tabang ang pamilya atol sa programang Straight to the Point-Kuskos batikos ni RadyoMaN Zaldy Ocon kaganihang buntag.
Miabot sa 4,300 pesos ang gidawat ni Floresta isip tabang sa pagkamatay sa iyang igsoon nga si Floramae Floresta, 16 anyos nga gipusil niadtong bulan sa Marso sa Westbound Terminal, Barangay Bulua.
Nasayran nga si Floramae namatay niadtong Miyerkules human wala na makaagwanta tungod sa naangkong pito ka samad pinusilan sa lawas.
Nabiyaan sa biktima ang usa ka tuig nilang anak sa iyang partner nga namatay gilayon sa shooting incident.
