Davao City – Patay ang usa ka tricycle driver atol sa nahitabong road accident sa may Crossing Mendang, Guihing, Hagonoy, Davao del Sur diin nag bangga ang usa ka fish carrier truck, single nga motorsiklo ug ang gimaneho niini nga tricycle.
Biktima naila nga si Ronday Angcon Gempesaw uban iyang asawa nga si Leah Gempesaw kinsa nasamdan sab sa maong insidente samtang angol usab ang sakay sa truck nga gimaneho ni Alex H. Larracochea sakay ang laing duha pa ka mga pasahero ug ang driver sa single nga motorsiklo nga si Delfie G. Ando Sr.
Sa pakighinabi sa DXDC RMN Davao kang PO2 Jake Comabig, imbestigador sa Hagonoy PNP, nga padulong sa norte nga bahin ang truck ug ang motorsiklo apan kalit nga miliko ang motor nga gisundan sa truck rason sa kalit nga pagkabangga niini.
Tungod niini, naadto sa pikas lane ang truck rason nga nabanggaan niini ang usa ka tricycle diin sakay ang magti-ayon ug nakabsan sa kinabuhi ang bana niini samtang, gipangdala sa balay tambalanan ang lain pang mga naangol sa maong insidente.
Sa karon anaa na sa kustodiya sa kapulisan ang driver sa truck nga si Alex Larracochea.
RadyoMaN Kirby Manzon
