Dipolog City – Usa patay, lima ang samaron sa nahitabong aksidente sa kadalanan human napongitan ang motorcab sa dipasaheroan public utility jeepney kagahapon pasado alas 5:00 sa kahaponon partikular na sa may national highway barangay galas, ning dakbayan sa dipolog.
Dead-on-arrival (DOA) sa tambalanan ang pasahero sa motorcab babaye nga si Crisedla Miano Villanueva, 31 anyos, usa ka factory worker nga taga purok laoy, barangay olingan.
Lakip sa samaran ang driver sa motorcab nga si rolando arellano, 39 anyos, pasaherong sila golde villanueva 35 anyos, emmylou antenor 31 anyos, melchie maranta, 21 anyos, yuri glyz doble 7 anyos nga polos molopyo sa barangay olingan nga kasamtangan admit pa sa hospital.
Base sa imbestigasyon ni PO1 Marvin Carl Robles Traffic Investigator sa dipolog city police station nasayran ang motorcab nga gimaniho ni Arellano sakay ang lima ka nasampit nga pasahero gilatas og gisubay ang upat ka lane sa national highway gikan sa dipolog paingon sa barangay olingan.
Pag-abot sa dapit nahitaboan ang nagsunod nga dipasaheroan jeep nga dunay rota dipolog to sindangan diin pono usab ug pasahero gimanehoan ni Hervie Erolon Agad 38 nga taga barangay sta. Isabel, niovertake sa tuong bahin, apan ang driver sa motorcab wala niini namatikdi gikabig ang manobela sa pikas lane dihang dunay lain sakyanan ni overtake usab sa wala bahin niini og didto na hinoon napongitan ang sidewhell sa niovertake nga jeep sa may tuo bahin hinongdan maayong pagkasirko balintong sa motorcab.
Ang sakay sa motorcab nangalagpot sa karsada daling gidala sa Dipolog Medical Center ning dakbayan apan si Crisedla Villanueva gidekrar nga dead on arrival ni Dr. Stephen Yap.
Ang driver sa jeep nga si Agad tangong na karon sa prisohan sa dipolog city police station samtang naghulat pa sa reklamo ipasaka batok kaniya.(rm)
Photo Courtesy: Dipolog PNP
