General Santos City—gibutyag ni Veronica Heramil, ang asawa sa biktima sa pagmapusil nga si Eduardo Heramil, legal age, kristo sa sabungan ug residenti sa Barangay Mabuhay Gensan nga niadtong milabay nga adlaw adunay naka lalis ang bana niini sa ilahang dapit tungod lang matud pa sa trabaho.
Matud pa ni misis Heramil nga gamay lang kini nga panaglalis tungod sa wala lang naka paperma ug mga papeles sa barangay alang usab sa ilahang ibaligya nga baka.
Gawas niini walay na syay laing nasayran nga dunay nakalaban ang iyang bana. Samtang wala usab syay nasayran nga nalambigit sa iligal nga druga ang biktima.
Nasayran nga ayha nahitabo ang pagpamusil, matulog na unta sila sa iyang bana ug mga anak. Kalit lang silang nakadungog ug lagubo pila ka minutos ang nakalabay, miabot ang mga suspek dayon gipangita ang iyang bana.
Pagkakita sa mga suspek sa biktima ila kining gipusil, nakadagan pa ang biktima sulod sa ilang lawak apan gisundan sa mga suspek dayon didto gitiwasan sa ilang kwarto nga hinungdan sa kamatayon niini. Sa kasamtangan pabilin pang blangko ang kapulisan kalabutan sa insidenti. (Dave Silagan)
