General Santos City– Identified na sa kapulisan ang usa sa mga suspek sa pagpusil-patay sa sekyu nga si Miranda Tago, 46 anyos, nga taga Brgy. Apopong ning dakbayan milabay’ng semana.
Sumala kang Police Capt. Abdulsalam Mamalinta, hepe Sa Police Station 1 nga subay sa inisyal nga impormasyon ang nasangpit nga suspek ang nahilambigit usab sa mga nahitabong patay sa mga kasikbit nga lugar ug gikonsiderang miyembro sa usa ka notoryus nga grupo.
Illegal nga droga ang usa sa pinaka-duol nga anggulo ang ginatan-aw karon sa kapulisan gawas sa kalambigitan matud pa niini sa away sa yuta.
Dugang pamahayag ni Police Captain Mamalinta nga posibleng adunay nahibal-an sa grupo nga konektado sa illegal nga droga ang biktima rason nga kini gipusil-patay.
Sa karon ginahikay na nila ang mga dokumento alang sa pagpasang-at ug kasong murder ngadto na sa maong suspek.(LVR)
